കൊച്ചി : സംസ്ഥാനത്ത് സ്ഥിരം മേല്വിലാസമുള്ള സ്ഥലത്ത് മാത്രമേ വാഹനങ്ങള് രജിസ്റ്റര് ചെയ്യാനാകൂ എന്ന ചട്ടത്തില് മാറ്റം വരുത്തി. ഇതോടെ സംസ്ഥാനത്ത് എവിടെയെങ്കിലും മേല്വിലാസം ഉണ്ടെങ്കില് ഏത് ആര്ടി ഓഫീസിന് കീഴിലും വാഹനങ്ങള് രജിസ്റ്റര് ചെയ്യാം. ഹൈക്കോടതി ഉത്തരവിന്റെ പശ്ചാത്തലത്തിലാണ് ട്രാന്സ്പോര്ട്ട് കമ്മീഷണറുടെ ഉത്തരവ്.
മുന്പ് സ്വന്തം വീട് സ്ഥിതി ചെയ്യുന്ന ആര്ടിഒ പരിധിയില് മാത്രമേ വാഹനം രജിസ്ട്രേഷന് ചെയ്യാന് കഴിയുമായിരുന്നുള്ളൂ.
ഇതോടെ അധികാരപരിധി ചൂണ്ടിക്കാട്ടി അര്ടിഒമാര്ക്ക് ഇനി വാഹനരജിസ്ട്രേഷന് നിരാകരിക്കാനാകില്ല. ഉടമ താമസിക്കുന്നതോ, ബിസിനസ് നടത്തുകയോ ചെയ്യുന്ന സ്ഥലത്തെ ഏത് ആര്ടിഒപരിധിയില് വാഹന രജിസ്ട്രേഷന് നടത്താമെന്ന് ആഴ്ചകള്ക്ക് മുന്പ് ഹൈക്കോടതി ഉത്തരവിട്ടിരുന്നു.
Comments
Post a Comment